மதுரா மோதலுக்கு மூளையாக செயல்பட்ட ராம் விரிக்ஷ் யாதவ் கொல்லப்பட்டார் என்று உத்தரபிரதேச மாநில டிஜிபி கூறிஉள்ளார்.

மதுராவில் ஏற்பட்ட கலவரம் நாடு முழுவதும் பெரும் அதிர்ச்சியை ஏற்படுத்தியது. இதில், 2 காவல்துறை அதிகாரிகள் உள்பட 24பேர் கொல்லப்பட்டனர். இந்நிலையில் இந்த வண்முறை தொடர்பாக 368 பேரை காவல்துறையினர் கைது செய்துள்ளனர்.

இதற்கிடையே கலவரத்துக்கு மூல காரணமாக விளங்கிய ராம் விரிக்ஷ் யாதவ் என்பவரும் உயிரிழந்தது உறுதி செய்யப்பட்டு உள்ளது. கலவரத்தின் போது ஆக்கிரமிப்பாளர்கள் கியாஸ் சிலிண்டரை வெடிக்கச்செய்ததில் உயிரிழந்த 11 பேரில், அவரும் ஒருவர் என தெரிவிக்கப்பட்டுள்ளது.

ராம் விரிக்ஷ் யாதவின் சடலம் அவருடைய கூட்டாளிகளால் அடையாளம் காணப்பட்டு உள்ளது. இறுதியாக உறுதிசெய்ய அவருடைய குடும்பத்திற்கு தெரிவிக்கப்பட்டு உள்ளதாக உத்தரபிரதேச மாநில டிஜிபி ஜாவீத் அகமது தெரிவித்துள்ளார்.